الى انستى العزيزة نصيحة

انستى العزيزة لو ربنا فك عقدتك واتخطبتى&
فلكى نصيحتى حتى تاخذى بخطيبك من مركب الخطوبة
الى محدش عارف هاترسى على اية الى قفص الزوجية

وعاشان اجمل مافى الخطوبة العزومات الرومانسيةفى احلى
محلات اكل فى البلد واللى عمركم مانتو هتشفها بعد الزواج
فبنصحك بالاتى عند اى عزومة مع خطيبك

1-اولا لازم تعرفى ان الشوكة والسكينة بيتمسكوا من ايدهم
من الطرف يعنى مش من الوسط ولامن البوز زى الخنجر

2-العيش اوعى تفضحينا وتقطعيه بسنانك ولا الرغيف نصين
بايديك وكل نصف لقمة وتحشرى اوعى
العيش بيتقط باسكينة فى الطبق وبعدين تاخدى لقمة لقمة
بالعافية قل يعنى نفسك مسدودة معلش استحملى ولما
تروحى ابقى حفى زى ماانتى عايزة

3-الشوربة ابوس رجلك بند الشوربة ده مهم جدا
الشوربة تتشرب بدون صوت واوعى تشربى من الطبق
ولا تنفخى فيها زى القهوجى لما ينفخ فى الحجر للزبون
واوعى تعملى زى مابتعملى فى البيت وتدلوقى على روحك
واهم شى بدون صوت سخنة ولعة بدون صوت
وتسيبى تلت الطبق على الاقل مش لازم تلهطيها لاخر نقطة

4- الرز وطبعا بيتاكل بالشوكة اعى يدك تتمد على المعلقة وتغرفى
يعنى الرز هتكله بالشوكه وكانك بتبوسيه مش بتاكليه

5-المكرونة الاساجتى برضه بالشوكة تتلف على طرف الشوكة
لحد ما تخلص وبعدين تحطيها ف بؤك من سكات مش تشفطى
المكرونة عود عود

6ا لسمك مشكلة شوفى بتفصلى اللحم عن الشوك ازى
اقولك افضل تقولى انك مبتحبهوش اصل عشان اشرح
هاخد وقت طويل اصله فليم هندى

7- الجمبرى اذا كنتى عارفاه اول ما طبق الجنبرى ينزل
بصيله بقرف واحتقار شديد ال يعنى زهقانة من كتر اكل الجنبرى
الجامبو ف بيت بابا واتنهدى جامد وقولى برضه وتروحى قاطعة
راس الجمبرياية بالشوكة وانا ف عرضك انسى المصمصة دلوقتى

8- البطاطس سواء مسلوقة او محمرة اوعى تهرسيها وتدبيها
على الرز وتدى لا لا بالشوكة حتةحتة وانتى زى ما تكونى هاتعيطى
من كتر ما البطاطس صعبانة عليكى

9-الفاكهة لو الفاكهة فيها بذر طلعيه من بؤك بالراحة فى ايدك وهى
مفولة وبعدين فى طفاية السجاير اللى ع التربيزة اوعى يا حبيتى
من نظام التفتفة للبزر انسى

10 ولما تخلصى اكل تحطى ايك على بطنك اللى عصافرها
بتصوصو من العينات اللى كلتيها وتقولى له مش ممكن انا
عمرى ما اتفجعت كدة انا قدامى اسبوع هبل اكل فيه
وبعدين تمسكى الفوطة اللى دايما موجوده على التربيزة من
غير لزمة وتوسيها ال يعنى بتمسحى بؤك

وبعدين تستاذنى منه لاصلاح ماكياجك وتخشى التوالي وتطلعى
من شنطة ايديك لفة الفول والطعمية اللى جايبها معاكى
بالهنا والشفاء

بجد مش موضوع يموت من الضحك
اخوكم كامل الشبراوى